主页 > 最新智能 >《破天荒与大卫雷斯续约两年 打破惯例的背后是好是坏?》

《破天荒与大卫雷斯续约两年 打破惯例的背后是好是坏?》

2020年05月28日 点赞:712 作者: 来源:最新智能
《原创文章 欢迎转载 请列明出处 谢谢》-请支持蓝狮 Facebook专页-《破天荒与大卫雷斯续约两年 打破惯例的背后是好是坏?》 按此观看图片 得到来季参与欧联资格,沙利可以话暂时舒一口气,车路士今季余下目标就只有同阿仙奴喺月尾在欧霸盃决赛决一高下,同时亦迎来好消息,球会正式与常任正选既大卫雷斯续约两年至2021年,季中沙利都多番向外界表示希望巴西人能够留下,而球员自己亦想继续在史丹福桥效力,但今次高层破天荒打破过往年过三十球员只能续约一年既惯例,背后究竟是好是坏?其实唔少列强球会都惯常以一年一约方式去处理队内年过三十既球员,而车路士更係严格遵从既球会之一,即使对待好似去到传奇级别既泰利、林伯特等人亦无可例外,引致唔少年事已高既球员选择离队到其他联赛发展,其实哩班老将本心都係希望至少同球队续约两年,因为始终年纪都有番咁上下,愈大一年就愈难搵到新球会落班,但佢地又觉得自己既身体质素仲可以踢到未需要退役,所以如果只有一年一约就只好去到其他球队效力。对于今次球会打破常规与大卫雷斯续约两年,球迷既声音好坏参半,有人认为球会特别善待「爆炸头」,亦有球迷认为球队至少都需要一两位老将带住先搞得掂个更衣室。老实说,今季「挂名」队长加利卡希尔好大机会季尾离队,而另一老将法比加斯亦喺季中转投法甲摩纳哥,论资排辈依加就只係得番副队长艾斯派古达同夏萨特係队中留队最耐既球员,大卫雷斯虽然係二次回归,不过如果卡希尔走后,佢就成为队中唯一一个12年欧冠正选球员,可以话喺各方面佢先係老大哥。不过,今次打破惯例之后,球会对于黎紧一啲同样年过三十既球员处理就务必要更加小心,就好似同样係巴西人既韦利安咁,虽然球员本身能力有限,亦经常比球迷指责为「进攻黑洞」,但韦利安卖力同忠心既表现亦值得欣赏,球员同时都希望能够与球会顺利续约,咁高层今次又会唔会比韦利安得尝所愿呢?相信係一个唔容易解决既问题。先例已开,变相以后年过三十既球员会更希望以二年合约为起点,球会必需为队中老将以及年轻球员之间取得平衡,咁对球队长远发展至係好事。文章发表时间 : 12/05/2019 11:30文章最后更新时间 : 12/05/2019 11:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
阅读延展